ESCRIBIR PARA VIVIR ...(BEN?)

Martín López-Vega, que parece un optimista saudable, confesa que escribe poesía para deixar de escribila, para aprender a vivir ben. No momento no que xa saiba as claves da boa vida, deixará de escribir e vivirá e adeus.  Di que agarda deixalo axiña. Eu, que non debo de ser tan optimista, acepto, si, que se escribe para ir aprendendo ou soportando o vivir, pero teño para min que como  nunca se dá aprendido de todo, temos que seguir escribindo. E que mal!